ZORNICA

 

 

Kak deklica mala

z baku sam spala.

Čujem zvona.

Zeveju k zornice.

Vane, kak v kotlu,

se je vu kmice.

 

Po tiho, po tiho

baka se z kreveta krade,

po glave me gladi,

z gunjem pokriva - se do brade.

 

Sijede si lasi češe,

v pletenice ih meče

i oko konča brže sprevleče.

 

Čujem kak se miva, fletne oblači,

salvet meče na se i ponče navlači.

Snijeg već prti.

K zornice hrli.

 

Male po male

nazaj sam zaspala.

 

Senjala kak me nešče grli.

Se je bile tak lijepe i mile.

Najemput mi se nekaj v nosnice uvlači.

Puna je hiža bezga i lipe.

- Baka i teca čaj su pile

a našli su se tu i domaći kolači.

 

 

Karmen Puntijar